चीनमा पनि देखियो कोरोना भाइरसको नयाँ प्रकार

कोहलपुर, पुष १७,

चीनमा पनि कोरोना भाइरसको नयाँ प्रकार फेला परेको छ ।

बेलायतमा देखिएको कोरोनाभाइरसको नयाँप्रकार चीनमापहिलो पटक फेला परेको हो । बेलायतबाट चीन फर्केकी २३ वर्षका एक महिलामा कोरोना भाइरसको नयाँ प्रकार फेला परेको हो । समाचार संस्था रोयटर्सका अनुसार चीनमा देखिएको कोरोना भाइरसको नयाँ प्रकारबारे त्यहाँको केन्द्रीय रोग नियन्त्रण तथा रोकथाम केन्द्रले पुष्टि गरेको छ ।

चीनमा कोरोनाको नयाँ प्रकार फेला परेसँगै थप सतर्कता अपनाइएको छ । साथै बेलायत र बेलायत हुँदै चीन प्रवेश गर्नेहरु माथि पनि कडाईं गरिएको छ । सुरुमा कोरोना भाइरस चीनको वुहानमा फेला परेको र पछिल्लो समय विश्व नै त्यसको चपेटामा आएको छ । अहिले भाइरसले स्वरुप परिवर्तन गर्दै नयाँ प्रकारमा परिणत भएको छ । कोरोना भाइरस फेला परेको एक वर्षपछि नयाँ प्रकारले अहिले विश्वको ध्यान आफूतिर आकर्षित गरेको छ ।

Leave a Reply

Your email address will not be published. Required fields are marked *