उखु किसानको समर्थनमा कविहरूले गरे कविता वाचन

कोहलपुर, पुष ५,

बक्यौता रकम उठाउनका लागि आन्दोलनरत उखु किसानको समर्थनमा कविहरूले आज माइतीघर मण्डलामा कविता वाचन गरेका छन् ।

१२ जना कविहरूले विभिन्न शिर्षकमा रही किसान, कृषिजीवी, मजदुर एवं आन्दोलनरत उखु कृषकका पक्षमा कविता वाचन गरेका हुन् । कविता वाचन कार्यक्रममा आन्दोलनरत किसानहरूले पनि आ आफ्ना कविता सुनाएका थिए। नवलपरासीका राजकुमार राजवरी, सर्लाहीका हरिशरण लगायतले आन्दोलनस्थलमा कविताका माध्यमबाट आफ्ना मागको सम्बोधन हुनुपर्ने भावार्थका कविताहरू वाचन गरेका हुन् ।

आन्दोलरत उखु किसानसँग ऐक्यबद्धता जनाउँदै कविहरू पवन ढुंगाना, सुष्मा तिमिल्सिना, रसिक राज, सुरज पराजुली, अन्शु खनाल, सारस चरी, राजु झल्लु प्रसाद, देव व्रत, असिम सागरले आ, आफ्ना रचना वाचन गरेका हुन् । गत वर्ष पुस १८ गते उद्योग, वाणिज्य तथा आपूर्तिमन्त्री लेखराज भट्टको रोहबरमा आन्दोलनरत किसान र सरकारबीच लिखित सम्झौता नै भएको थियो। सोही सम्झौताका भरमा किसानलाई राजधानीमा भइरहेको विभिन्न चरणको आन्दोलन स्थगित गर्न लगाइएको थियो ।

Leave a Reply

Your email address will not be published. Required fields are marked *