राष्ट्रपति भण्डारी र प्रचण्डबीच भेटवार्ता, अध्यादेशको बिषयमा छलफल

काठमाडौं, १३ पुस, २०७४ : 

राष्ट्रपति विद्यादेवी भण्डारी र नेकपा माओवादी अध्यक्ष प्रचण्डबीच बिहीबार बिहान भेटवार्ता भएको छ । भेटवार्ताका लागि प्रचण्ड बिहीबार बिहान ९ बजे शितल निवास पुगेका छन् । राष्ट्रियसभा गठन सम्वन्धी अध्यादेश दुई महिनादेखि रोकेको भन्दै आलोचना खेप्दै आएकी राष्ट्रपतिले राजनीतिक दलका शीर्ष नेताहरुसँग परामर्श गर्दै आएकी छन् । त्यसैको निरन्तरतास्वरुप प्रचण्डसँग फेरि पनि परामर्श गरेको बताइएको छ ।

राष्ट्रपति भण्डारीलाई छिटो अध्यादेश स्वीकृत गर्न सरकारको नेतृत्वकर्ता दल नेपाली कांग्रेसले दबाव दिँदै आएको छ । अध्यादेशमा एकल संक्रमणीय मत प्रणालीको व्यवस्था राखिएको भन्दै सबैभन्दा ठूलो दल एमालेले विरोध गर्दै आएको छ ।

कांग्रेस र एमालेबीचको अडानले राजनीतिक गाँठो नफुकिरहेका बेला माओवादी अध्यक्ष प्रचण्डले भने मध्यमार्गी विकल्पको खोजीमा रहेको बताउँदै आएका छन् ।

यसअघि यही समाचारमा राष्ट्रपतिसँग भेटवार्ता गर्न एमाले अध्यक्ष केपी शर्मा ओली पनि शितल निवासमा पुगेको भन्ने वाक्यांश परेकाले क्षमाप्रार्थीसहित सच्याइएको छ ।

Leave a Reply

Your email address will not be published. Required fields are marked *