ओली निकट रहेर काम गर्दै आएका खड्का फेरि आयल निगममा ?

११ पौष, २०७४
काठमाडौं : इन्धन भण्डारणको जग्गा खरिद अनियमितता आरोपमा कारवाहीमा परेका नेपाल आयल निगमका तत्कालिन कार्यकारी निर्देशक गोपाल खड्काले फेरि निगम फर्किन लविङ गरेका छन्।

खड्काले भावी प्रधानमन्त्रीको रुपमा चर्चामा आएका एमाले अध्यक्ष केपी ओलीलाई भेटेर निगम फर्किने व्यवस्था मिलाईदिन अनुरोध गरेका छन्। खड्काले विगतदेखि नै ओली निकट शक्ति दलाल समूहसँग मिलेर काम गर्दै आएका छन्।

निगमको इन्धन भण्डारण जग्गा खरिदमा पनि उक्त समूहको संलग्नता छ, जसले मुलुकका विभिन्न व्यवसाय क्षेत्रमा आफ्नो पहुँच बढाउँदै लगेको छ।

तिनैको योजनाअनुसार खड्काले मुलुकको संघीय संरचनाअनुसार सातै प्रदेशमा पेट्रोलियम पदार्थ भण्डारण डिपो निर्माणको काम जग्गा खरिदमार्फत् अघि बढाएका हुन्।

यसअघि सरकारले खड्कालाई बर्खास्त गर्ने निर्णय गरेपछि एमाले अध्यक्ष ओलीले खड्काको बचाउ गर्दै भरीयालाई नभई मालिकलाई कार्वाही गर्नु पर्ने सार्वजनिक अभिव्यक्ति दिएका थिए। (नागरिक दैनिकबाट साभार)

Leave a Reply

Your email address will not be published. Required fields are marked *

1 Shares
Share1
Tweet
Pin
Share